Limpeza da ruta de sendeirismo e zonas comúns da parroquia, este ano realizouse uns meses máis tarde debido á situación na que nos atopamos este ano ( COVID 19). Día de moita calor 38º e con algunhas incidencias causadas polas velutinas que picaron a Daniel e Ramón, este último tivo que ser ingresado no hospital . A pesar de que se traballo moito, foi un día agradable de convivencia que finalizou cun gran xantar. Agradecemento a todos os veciños que colaboraron dalgunha maneira e en especial á Comunidade de montes e augas.
